لم يكن ذنبى

خلونى أكلمكم اليوم عن قصة قرأتها على تويتر من..

احدى مستخدمات تويتر وعجبتنى قوى وهدفها فى التوعية جميل جدا ودعونى اتحدث بلسانها هى ونبدأ مع بعض أمثلة لحيائها (قديما).

1.لما كنت صغيره وعمو يهزر معايا يقولي مثلا ... ايه الحلاوه دي يابسكويت ياقمر ؟ اتكسف ووشي يحمر واخش الاوضه ماكلموش كم يوم ! اين ذهب حيائي ؟ (زمن البرائة)

2.ولما كنت بشوف لقطة بوس كنت بغمض عيني بايد واﻻيد التانيه اطفي بيها التلفزيون لحد ماتعدي !(زمن البرائة).

والقصة الأتية تتحدث فى مجملها العام عن فتاة كانت جاهلة تمام الجهل بالحياة 

الاجتماعية (الزوجية) وعندما علمت انظرو ماذا فعلت

القصة على لسان صانعتها

((خليني اكلمكو في حدوته جريئه شويه 18+ مع ان أنا يادوب عديت ال 18 من شهر . طبعاََ فترة البراءه الحقيقه بالنسبه لينا كبنات تتمثل في إننا مابنبقاش عارفين ايه اللي بيحصل بين الراجل ومراته لما يجوزوا واحنا بنيجي ازاي. وما بعد الفتره البريئه دي بنبقى اتلوثنا بالمعلومات القاسيه دي علينا كبنات وبنبقى بنفكر بخبث وبنخاف على نفسنا من الولاد اكتر من اﻻول. بالنسبه ليه أنا عرفت الموضوع ده في 3 متوسط يعني في مرحله متأخره وكنت طويله وهبله ومش فاهمه حاجه.وعرفته بواقع الصدفه ! كنا أنا وبنات الجيران راجعين من المدرسه للبيت وواحد سعودي كان بيدور في العربيه وقالع هدومه من تحت وعمال يعاكسنا. طبعا البنات كلهم صوتو وصرخو وفضلو يجرو وانا فضلت واقفه وبضحك افتكرت الراجل ده اهبل او مجنون ولقيت بنت جيرانا بتشدني وبتقولي اجري

. قلتلها استني نشوف هيعمل ايه قالتلي اجري ياحماره دحسن يعملنا حاجه وحشه قلتها ليه في ايه ؟ ... قالت موضوع خطير بكره هفهمك في المدرسه.وتاني يوم فضلت أسألها كل شويه الراجل قلع ليه الراجل قلع ليه.وطبعاََ بنت الجيران الحيوانه "سلمى" فهمتني الحاجه دي بطريقه مرعبه جداََ واغتصاب واكشن وممكن اموت فيها والجو الوحشي والدرامي ده. أنا ماصدقتهاش طبعاََ غير لما سألت بنات كتيررررررررر وكلهم بردو كانو بيقولولي بنفس الطريقه المرعبه. فضلت اسبوع واللهِ مانامش كويس واعيط واحلم احلام وحشه وابص لبابا وماما بصة ارف واحتقار وبعدين مسكت اخواتي الصغيرين حكيتلهم كل حاجه. طبعاََ هما كانو في ابتدائي وانا في اعدادي يعني لوثت ام براءتهم وبقو ماشاء الله فاهمين الكوفت من سن الطفوله. ونفسيتنا تعبت اوي وكنا بنعيط وعاوزين نسيب البيت ههههههه واكيد الغلط على اﻻهل انهم بيخلو عيالهم زي العبط ومايثقفوهمش ويوصلولهم المعلومات. المحرجه دي بطريقه صحيحه ومن غير تعمق عشان ماحدش يفهمهالهم بالرعب ده ومن حنا تتبني على ده مشاكل كتير. دلوقتي بقى ياجماعة اختي زينب البسكوته السنيوره الدلوعه البريئه اللي في 4 ابتدائي عارفه كل حاجه بسبب اخواتها الوسخين ههههههههههههههههه. ربنا يسامحنا والله أنا لما كنت قدها كنت حافظه 3 اجزاء من القرءان واﻻربعين حديث النوويه لكن ربنا ابتلاها بإخوات الحياء انعدم من عندهم. احنا بقى ال 6 بنات قدام بابا وماما الخجولات البريئات " القطط المغمضه " واعظم شتيمه نشتمها لبعض جزمه ، ربنا ياخدك ، حيوانه ، هبله ، عبيطه. ولو قلت ياكلبه ياحيوانه يبقى أنا كده فجرت في نظرهم ! اما في الاوضه ؟ اسمع واطرب اذنيك بمالذ وطاب من انواع الشتايم اﻻبيحه ومايقرب اليها. المهم حبيت اقول حاجه بسيطه حاولو تحافظو على براءة اﻻطفال في سنهم ومايتعقدوش بدري واكيد الحدوته عجبتكو كلكو هههههههههههههههه يامنحرفين . وسلامون عليكوم بس كده.))

القصة عجبتنى جدا بجد روعة

صانعة القصة

مريومة

(كل التحية)



ماذا استفدت من هذه القصة؟؟